സീസൺ മാസത്തിൽ

ലാഭം നോക്കാതെ

ചെമ്പ് ബെക്കുമ്പൊ, 

അടിഗെക്കാരൻ -

ഔകർച്ചാന്റെ മെൻസിൽ 

ഇശ്ഖ് തെള്ക്കും.

ബെക്ക്ന്നെ പണിയൊന്നും 

ഇല്ലാത്ത മോന്തിക്ക്,

ഔല് കൊയച്ച്, ബയക്കാഉം കൂട്ടി,

ഉമ്മാന്റെ ഉള്ളിലുമൊരു -

പിര്സെത്തിന്റെ ബിര്ന്ന്.

ഉസ്താദ് ബെര്ന്നേന് മുന്നെ 

മൗലിദിന്റെ ഏടിനെ 

മജ്ലിസിൽ പൊന്തിച്ച് ഇര്ത്തും.

മഹബ്ബത്ത് കെടാത്തൊരു 

ഊദോത്തിരി കത്തിക്കും.

സലാംബൈത്തും കൈഞ്ഞ് 

മൻഖൂസിലെത്തുമ്പോൾ,

പൊരേല് മദീന മണക്കും.

മക്കയിലൊരു പൊരേല് -

മുത്ത് ജനിച്ചതിന്റെ ഖിസ്സ പരക്കും.

രിവായത്ത് രണ്ടിൽ

വിലാദത്തിൻ്റെ ബള്ളമാനമുദിക്കും.

'ബെളി' ബെര്ന്നെ നേരത്തിന്

മർഹബ നേരാൻ എൺച്ച് നിക്കും.

"മർഹബാ യാ നൂറ ഐനി..."

ഉസ്താദോത്ത് തീരുന്നതും നോക്കി,

പുള്ളർ - മുസ്വലാത്തിനായി 

കാത്തിരിക്കും,

ഇശ്‌ഖിന്റെ കൂറ്റ് 

മഅ്ഷൂഖിനെ കേപ്പിക്കും.

ദുആ സിയാറത്തിലും 

നല്ല സകറാത്തിലും 

നാളെ ശഫാഅത്തിലുമെത്തുമ്പോൾ 

കുച്ചിൽത്തെ കണ്ണുകൾ

കര്ച്ചിലിലെത്തും.

അവസാനം,

എല്ലാരുമെൺചിറ്റ് 

'ആരമ്പപ്പൂവായ' ചെല്ലും,

കേരളത്തിൽ നിന്ന് - കടല് വഴി 

ആശിഖീങ്ങളുടെ കപ്പലോടും.

ഉപ്പ -

മാസങ്ങളായിറ്റ് എട്ത് ബെച്ചെ 

പൈസ കൊണ്ട്,

ഇല്ലാത്തോറെ പോരെലും 

ഇള്ളോറെ പൊലെ 

മൗലിദ് കയ്യും.

മൗലിദിന്റന്ന് 

പൊരേല് പൊൽസ് നൊറയും.

ബറ്റാത്ത പൊൽസ്.